Charter Document - 05450370
| Charter Number: | 05450370 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1314 |
| Date type: | Internal, Regnal |
| Resource Link(s): |
|
Charter:
Hec indentura testatur quod nono die Julii anno regni regis Edwardi filii regis Edwardi octavo convenit inter religiosas mulieres dominam Matildam abbatissam de Godestowe et eiusdem loci conventum ex parte una et Michaelem de Meledon ex altera ita videlicet quod cum predicti abbatissa et conventus dederint concesserint et carta sua confirmaverint dicto Michaeli heredibus et assignatis suis tria mesuagia simul iacentia ex parte australi venelle ducentis usque ad mesuagium quod quondam fuit Symonis Thedulf cum toftis adiacentibus in villa de Karsinton una cum duobus toftis inclusis quorum unum se extendit in oblongum gardini dicti Symonis et aliud in oblongum gardini dictorum abbatisse et conventus in predicta villa de Karsinton et septem solidatas redditus annuatim percipiendum per manus Roberti de Sowy et Johannis filii Johannis de Stratforde heredum Nicholai de O de Oxon pro duabus piscariis in predicta villa de Karstinton prout in carta feoffamenti dictorum abbatisse et conventus dicto Michaeli inde confecta plenius continetur Volunt et concedunt predicti abbatissa et conventus pro se et successoribus suis quod si contingat dictum Michaelem heredes vel assignatos suos per dominum regem vel eius ministros seu per aliquem alium per aliquod factum per predictos abbatissam et conventum vel eorum successores cuicumque factum impediri quominus seisinam dictorum tenementorum habere non valeant seu a sisina sua eorundem tenementorum per dominum regem vel eius ministros vel per aliquem alium per quodcumque factum dictorum abbatisse et conventus seu eorum succesorum esse eiectos extunc xxx s annui redditus quos de illa hydata terre que dicitur Appelfordeshyde per manus ipsius Michaelis percipue consueverunt et debuerunt in manus ipsius Michaelis heredum et assignatorum suorum remaneant quieti et extincti quousque dicti abbatissa et conventus vel eorum successores dicto Michaeli heredibus seu assignatis suis seisinam plenam et pacificam de tenementis predictis habere fecerint In cuius rei testimonium parti huius indenture penes dictum Michaelem residenti sigillum commune dictorum abbatisse et conventus est appensum Et parti eiusdem indenture penes predictos abbatissam et conventum remanenti predictus Michael sigillum suum apposuit Hiis testibus dominis Johanne de Doddingseles Edmundo de Cornubia Willelmo de Harpeden militibus Johanne de Langeleigh Alano de Hatfeld Adam de la Fenne Johanne Juge Johanne de Stoke de Bampton Rogero de Kenetebury Willelmo filio Petri de Karsingtun Roberto le coupere de eadem Rogero Bras de eadem Ricardo de Wydyton Andrea de la Hyde clerico et aliis Data apud Karsinton die et anno supradictis