Charter Document - 05450369
| Charter Number: | 05450369 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1314 |
| Date type: | Internal, Regnal |
| Resource Link(s): |
|
Charter:
Hec indentura testatur quod cum motum fuisset placitum inter religiosas mulieres dominam Matildam abbatissam de Godestowe et eius loci conventum ex parte una et Michaelem de Meledon ex altera super diversis servitiis que dictus Michael exigebat de predictis abbatissa et conventu pro quibusdam terris quas prefate abbatissa et conventus de prefato Michaele tenent in villa de Karsinton octavo die mensis Julii anno regni regis Edwardi filii regis Edwardi octavo amicabili compositione inter eos convenit quod prefate abbatissa et conventus recognoverunt se tenere de dicto Michaele sex mesuagios et sexdecim virgatas terre cum pertinentiis in predicta villa de Karsinton per homagium fidelitatem et servitium duarum parcium unius feodi militis scilicet quando scutagium currit ad xl s ii marcas et ad plus plus et ad minus minus et cetera servitia forinseca quantum pertinet ad duas partes unius feodi militis et per servitium unius libri piperis annuatim solvendum eidem Michaeli heredibus et assignatis suis ad festum beati Thome apostoli pro omnibus servitiis obligantes se et successores suos ac omnes terras et tenementa sua que in predicta villa de Karsiton die confectionis presentis indenture tenuerunt ad quorumcumque manus devenerint districtioni dicti Michaelis heredum et assignatorum suorum quotienscumque contingat dicta servitia in parte vel in toto a retro existere et districtiones illas terinere quousque eidem Michaeli heredibus vel assignatis suis de eisdem servitiis plenarie fuerint satisfactum Et predictus Michael concessit pro se heredibus et assignatis suis acquietare prefatas abbatissam et conventum et earum successores versus Thomam comitem Lancastr et Ales uxorem eius et heredes ipsius Ales de omnibus servitiis que de eisdem abbatissa et conventu vel earum successoribus ratione dictorum tenementorum exigere poterunt inposterum ad quam quidem acquietantiam bene et fideliter faciendam predictus Michael obligavit se heredes et assigantos suos et omnes terras et tenementa sua in villa de Karsinton in quorumcumque manus devenerint Et concessit pro se heredibus et assignatis suis quod si contingat predictos abbatissam et conventum vel successores suos districtionem vel dampnum sustinere per dictos comitem et Ales vel per heredes ipsius Ales seu eorum ballivos ob defectum acquietancie dicti Michaelis heredum vel assignatorum suorum extunc bene licebit dictis abbatisse et conventui et succesoribus suis per ballivos et ministros suos dictum Michaelem heredes et assignatos suos in dictis tenementis distringere et districtione quas ceperint detinere quosque eisdem abbatisse et conventui vel eorum successorum de dampnis que incurrerint ob defectum acquietancie dicti Michaelis heredum vel assignatorum suorum plenarie fuerit satisfactum In cuius rei testimonium parti huius indenture penes dictum Michaelem residenti sigillum commune dictorum abbatisse et conventus est appensum Et parti eiusdem indenture penes predictos abbatissam et conventum remanenti predictus Michael sigillum suum apposuit Hiis testibus dominis Johanne de Doddyngseles Edmundo de Cornub Wilellmo de Harpedene militibus Johanne de Langeleye Alano de Hatfeld Ada de la Fenne Johanne Juge Johanne de Stoke de Bamptone Rogero de Kenettebery Willelmo filio Petri de Karsintone Roberto le coupere de eadem Rogero Bras de eadem Ricardo de Wylletone Andrea de la Hyde clerico et aliis Data apud Karsinton die et anno supradictis