Charter Document - 05450365
| Charter Number: | 05450365 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus Judemain dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et sanctimonialibus ibidem deo servientibus et inperpetuum servituris totam terram meam arrabilem de Karsintone videlicet unam dimidiam acram que iacet in Hangindelonde inter terram abbatisse de Godestowe et terram Reginaldi le Suthern et dimidiam acram que iacet in Banlande inter terram Thome filii Hawysie et terram Matildis de la Hyde et dimidiam acram que iacet in Polfurlonge inter terram Walteri Bras et terram Willelmi de Bampton et unam rodam que iacet in Parva Lintona iuxta terram predicte abbatisse et unam rodam que iacet in Magna Lintona iuxta terram que fuit Ricardi le Petit et unam dimidiam acram que iacet super Surrelonde iuxta terram Reginaldi le Sutherne ex parte aquilonari et extendit se in viam regiam et similiter unam goram que jacet ex australi parte de Blundewelle inter terram abbatisse de Godestowe et terram Rogeri Yurebern et extendit se usque in pasturam et unam dimidiam acram que iacet in Morilonde inter terram Petri de Esserugge et terram Roberti Punchard et dimidiam acram que iacet in Ye Aldefelde inter terram Petri de Esseruge ex utraque parte et dimidiam acram que iacet in Hangingelonde iuxta terram Petri de Esseruge tenendum et habendum dictis monialibus et earundem successoribus sive suis assignatis libere et quiete bene et in pace inperpetuum sicut aliqua elemosina liberius et quietius dari possit reddendo inde illis a quibus dictam terram emi debitum redditum prout carte illorum testantur Et ego et heredes mei et illi per quos feofatus sum totam predictam terram dictis monialibus et earundem successoribus warantizabimus acquietabimus et defendemus inperpetuum Et ut hec mea donatio warantizatio et presentis carte confirmatio perpetue stabilitatis robur optineat istud presens scriptum sigilli mei impressione corroboravi Hiis testibus Willelmo filio Petri de Kersinton Simone Punchard de Kersinton Roberto Punchard de Kersinton Symon le Engleis de Kersinton Nicholao filio Petri de Wyvelcote Johanne Pady de Kersinton et aliis