Charter Document - 05450363
| Charter Number: | 05450363 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1284 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus filius Willelmi de la Grene de Kersinton dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris in liberam et perpetuam elemosinam quinque acras et dimidiam terre arrabilis et duas rodas prati in campis et pratis de Kersinton et totum ius quod habui vel aliquo modo habere potui iure et hereditario in terris et pratis in predicta villa aliqua ratione seu nomine patris mei quarum una acra iacet in Morelonde inter terram abbatisse de Godestowe et terram Willelmi Thourbarn et alia dimidia acra iacet in Berelonde inter terram dicte abbatisse et terram Symonis Theodulphi et dimidia acra iacet in Banlonde inter terram Elye Bras et terram Willelmi de Bamtone et una gora que se extendit usque Farenhulle inter terram dicte abbatisse et terram que fuit Willelmi Eadmund et dimidia acra extendit se usque Borowham inter terram dicte abbatisse et terram Roberti Punchard et dimidia acra iacet in Theoldefelde inter terram que fuit Hugonis de Bamptone et terram que fuit Ricardi Neuman et dimidia acra iacet in Schortestonie inter terram dicte abbatisse et terram Elie Bras et una virga iacet apud Blundewelle inter terram que fuit Willelmi Eadmund et terram Ricardi Neuman et una virga extendit se in Tokyngweye inter terram dicte abbatisse et terram dicte Willelmi Eadmund et dimidia acra iacet apud Grene Doune inter terram Elye Bras et terram Willelmi le Souyerne et dimidia acra iacet in Morilonde inter terram dicte abbatisse et terram Rogeri Bouch et una roda iacet in Lintone inter terram Symonis Punchard et terram Willelmi le Souyerne et una roda iacet in Longeforlonge inter terram dicti Willelmi Eadmund et terram Roberti Punchard et una virga iacet super Lambecupe iuxta terram Roberti Toldin et due rode prati iacent in Farnhulle in duobus primis sortibus versus aquilonem habendam et tenendam totam predictam terram et pratum de me et heredibus meis vel meis assignatis predictis monialibus et earumdem successoribus libere quiete pacifice et integre inperpetuum ab omni seculari servitio exactione et demanda consuetudine et secta curie salvo regali servitio quando scutagium currit Et ego predictus Ricardus filius Willelmi de la Grene de Kersinton et heredes mei vel mei assignati totam predictam terram et pratum cum omnibus suis pertinentiis predictis monialibus et earundem successoribus contra omnes homines mares et feminas tam christianos quam iudeos warantizabimus acquietabimus et nostris sumptibus inperpetuum defendemus Pro hac autem donatione concessione warantizatione acquietatione defensione et presenti carte mee confirmatione concesserunt michi predicte moniales servitium subianitor meo perpetuo ad portam de Godestowe et unam dimidiam marcam nomine stipendii mei annuatim percipiendam ad duos anni terminos videlicet ad festum sancti Michaelis iii s et iiii d et ad festum beate Marie in Marcio iii s et iiii d Et ut hec autem mea donatio concessio warantizatio acquietatio defensio et presentis carte mee confirmatio perpetue stabilitatis robur optineat et inconcussa inperpetuum permaneat istud presens scriptum sigilli mei inpressione corroboravi Hiis testibus Roberto le Heir tunc ballivo de Wodestoke Eadmundo Pady de Kersinton Roberto Punchard Waltero Bost Willelmo filio Petri Simone Anglico Johanne Bras et aliis