Charter Document - 05450362
| Charter Number: | 05450362 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1272 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Jordanus de Aldeswelle rector ecclesie de Wydinton eternam in domino salutem Noverit universitas vestra me recepisse CCLI sterlingorum de religiosis mulieribus domina abbatissa et conventu de Godestowe in quibus dicte mulieres michi tenebantur per litteras suas obligatorias pro terris et redditibus quos de me habuerunt in villa de Kersinton et Yrop pro qua quidem receptione predictas religiosas mulieres ab omni inpetitione vexatione et inquietatione occasione predictarum CCLI quietas penitus clamo et inmunes renuntians exceptioni non numerate non solute et non tradite michi peccunie In cuius rei testimonium presentibus litteris sigillum meum apposui Data apud Godestowe die sancti Switthini confessoris anno domini MCCLXX secundo