Charter Document - 05450357
| Charter Number: | 05450357 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1272 |
| Date type: | Assigned |
| Resource Link(s): |
|
Charter:
Sciant presentes et futuri quod ego Jordanus de Aldeswell dedi concessi et quietas clamavi pro me et heredibus meis deo et ecclesie sancti Johannis baptiste de Godestowe et monialibus ibidem deo servientibus in liberam et perpetuam elemosinam totas terras meas de Karsinton et de Throp cum omnibus pertinentiis earundem sine ullo retinemento michi et heredibus meis et cum omni eo quod michi vel heredibus meis aliquo modo posset accidere in locis predictis habendas et tenendas predictis ecclesie et monialibus libere pacifice et integre de dominis feodorum faciendo inde eis servitia debita et consueta Et ut hec donatio concessio et quieta clamatio mea firma et stabilis permaneat inperpetuum eam presenti scripto sigilli mei impressione munito roboravi Hiis testibus domino Philippo Basset domino Johanne de Balny Johanne de Coleshull Nicholao de Kyngeston burgensibus Oxonie Johanne Pady Willelmo de Sancto Audoeno Willelmo de Megre Willelmo filio Petri Roberto Punchard Symone Punchard Symone le Engleis Nicholao filio Petri de Wyvelcote et aliis