Charter Document - 05450350
| Charter Number: | 05450350 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1246 - 1258 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes filius Radulphi de Wotton dedi concessi et hac presenti carta mea confirmavi Willelmo de Sancto Audoeno totam terram et tenementum que habui de dono Alexandri de Swerford quondam thesaurarii sancti Pauli London videlicet de terris que idem Alexander habuit tam de dono dicti Radulphi patris mei quam de perquisitis suis in Karsinton sine ullo retenemento michi vel heredibus meis habenda et tenenda eidem Willelmo et heredibus suis vel quibuscumque dare assignare vendere vel legare voluerite cum omnibus ubique pertinentiis suis infra villam de Kersinton et extra libere et quiete bene et in pace in dominicis redditibus homagiis wardis releviis villenagiis et omnibus aliis terre exitibus de me et heredibus meis inperpetuum in viis et semitis pratis pascuis et pasturis et omnibus aliis aisiamentis ad predictam terram ubique pertinentibus reddendo inde annuatim capitali domino feodi scilicet Willelmo filio Petri de Kersinton et heredibus suis vi d ad natale domini et unum par albarum cyrotecarum de precio unius oboli ad pasca et abbatisse de Godestowe v s ad duos anni terminos videlicet ad festum beate Marie in Marcio ii s et vi d et ad festum beati Michaelis ii s et vi d et heredibus dicti Alexandri de Swerford vel suis assignatis unum spervarium sorum ad festum beati Petri ad vincula et michi et heredibus meis i d ad pentecosten pro omni servitio consuetudine et seculari demanda Pro hac autem donatione concessione et presentis carte mee confirmatione dedit michi dictus Willelmus x marcas argenti in gersummam Preterea idem Willelmus et heredes sui vel sui assignati in tota vita mea michi dabit annuatim unum calciamentum de precio ii s ad festum sancti Michaelis Et ego Johannes et heredes mei prefato Willelmo et heredibus suis vel suis assignatis prenominatam terram et prenominatum tenementum cum omnibus ubique pertinentiis suis ut predictum est contra omnes gentes warantizabimus adquietabimus et defendemus imperpetuum Et ut hec mea donatio concessio confirmatio et warantia robur optineant firmitatis inperptuum huic presenti scripto sigillum meum apposui Hiis testibus Willelmo de Parys Radulfo Iveans Philippo Pady Johanne de Aula de Haneberge Radulpho filio clerici de Eynesham Andrea Caperun Roberto le Turnour Willelmo le Park de Wodestok Nicholao le Franceys de Somerford Symone Punchard Symone Anglico et aliis