Charter Document - 05450344
| Charter Number: | 05450344 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1209 |
| Date type: | Assigned |
| Resource Link(s): |
|
Charter:
Omnibus ad quos presens carta pervenerit Juliana de Rampan salutem Noverit universitas vestra me concessisse et me carta confirmasse Radulpho de Sauceyo in libera potestate mea post mortem mariti mei Willelmi filii Ricardi quando fui vidua duas cotlandas terre in Kersinton cum omnibus pertinentiis eisdem cotlandis pertinentibus illam scilicet cotlandam quam Sewinus Cobbe tenuit et illam quam Edwinus Belle tenuit quas scilicet cotlandas predictus maritus meus Willelmus filius Ricardus et ego dedimus et concessimus Sibille de Sauceyo de quibus cotlandis ipsa heredem suum fecit predictum Radulphum de Sauceyo tenendas de me et heredibus meis predicto Radulpho et heredibus suis libere et quiete honorifice et quiete per servitium unius libre piperis annuatim michi vel heredibus meis ad natale domini pro omni servitio michi pertinente solvende salvo servitio regali Has predictas cotlandas concessi predicto Radulpho cum omnibus pertinentiis predictis cotlandis pertinentibus preter terram de Heite quam quam in dominico meo retinui In cujus terre escambio dedi predicto Radulphi sicut predictus maritus meus Willelmus filius Ricardus et ego dedimus et concessimus jamdicte Sibille matri eiusdem duas acras prati cum pertinentiis in Farnhille Pro hac concessione et confirmatione dedit michi sepedictus Radulphus unam marcam argenti Quare volo quod idem Radulphus et heredes eius habeant et teneant predictas cotlandas bene et in pace sicut illas quas habet ex dono matris sue et ex dono matris sue et ex confirmatione et concessione sepedicti mariti mei Willelmi et concessione Petri heredis nostri necnon et confirmatione nostra Hiis testibus Amisio de Wodestoke Willelmo de Bruga Waltero de Kersinton Philippo filio Walteri Hugone de Roma Hugone skermiserio Roberto de Wotton Rogero filio Radulphi Willelmo de Haneburg et multis aliis