Charter Document - 05450340
| Charter Number: | 05450340 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1215 |
| Date type: | Assigned |
| Resource Link(s): |
|
Charter:
Sciant qui sunt et qui futuri sunt quod ego Juliana de Rampan que fui uxor Willelmi filii Ricardi dedi et concessi in libera potestate me post obitum predicti Willelmi mariti mei in viduitate mea Roberto de Wotton pro homagio et servitio suo tres virgatas terre in Kersinton scilicet illas tres virgatas quas Seman tenuit in eadem villa de Kersinton cum mesuagiis et croftis predictis terris pertinentibus et cum omnibus libertatibus et pertinentiis suis in pratis et pascuis in viis et semitis et in omnibus locis Preterea dedi et concessi predicto Roberto mesuagium cum crofta quod Edwinus Huch tenuit et croftam que est ante portam predicti Roberti quam fossatum percludit tenendum de me et de heredibus meis illi et heredibus suis libere et quiete honorifice et pacifice plenarie et integre cum omnibus libertatibus et liberis consuetudinibus per servitium v s sterlingorum annuatim michi vel heredibus meis ad duos terminos pro omni servitio solvendorum scilicet ad annunciationem sancte Marie ii s et vi d et ad festum sancti Michaelis ii s et vi d salvo servitio domini regis scilicet quantum pertinet ad alias tres virgatas in eadem villa de eodem feudo Has prenominatas terras et tenementa ego et heredes mei predicto Roberto et heredibus eius contra omnes gentes warantizabimus Ut autem hec mea donatio et concessio firma sit et stabilis eam cartam hujus munimine et sigilli mei appositione utile duxi roborandam Testibus hiis Amisio de Wodestoke Rogero filio Radulphi Godefrido de Wotton Johanne et Jordano filiis eiusdem Godefrido Bartholomeo clerico Simone de Meriton et Roberto fratre eius et multis aliis