Charter Document - 05450335
| Charter Number: | 05450335 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 - 1269 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Appelford dedi et concessi et hac presenti carta mea confirmavi Emme abbatisse de Godestowe et eiusdem loci conventui totum redditum meum quem habui in villa de Karsinton scilicet de Ricardo de Boteleye xv s de duabus virgatis terre quas idem Ricardus de me tenuit in eadem villa de Henrico filio Theodulphi vii s et vi d de una virgata terre in eadem villa et de Ricardo Petit et Agnete uxore sua vii s et vi d de una virgata terre quam de me tenuerunt in predicta villa habendum et tenendum de me et heredibus meis sibi et successoribus suis libere et quiete bene et in pace cum homagiis gardis releviis et excaetis et omnibus aliis pertinentiis suis que me vel heredes meos aliquo modo contingere vel exinde accidere poterunt reddendo inde annuatim michi et heredibus meis i d ad pascha et capitali domino unam libram piperis ad festum sancti Michaelis et faciendo regale servitium cum acciderit scilicet quantum pertinet ad unam hidam terre in eadem villa pro omnibus servitiis et sectis curiarum et omnimodo aliis consuetudinibus et demandis Et ego Willelmus et heredes mei totum predictum redditum cum omnibus pertinentiis suis sicut prenominatum est predictis abbatisse et conventui de Godestowe contra omnes homines christianos et iudeos warantizabimus acquietabimus et defendemus inperpetuum Ut hec autem mea donatio concessio et carte mee confirmatio rata et inconcussa permaneat inperpetuum presenti scripto sigillum meum apposui Hiis testibus dominis Willelmo de Parys Radulphi de Ivans militibus Philippo Pady Johanne de Haneberge Petro de Leye Willelmo filio Petro Nicholao le Fraunceys Symone le Engles Roberto Punchard et aliis