Charter Document - 05450332
| Charter Number: | 05450332 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1202 - 1214 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus de Rampenna consensu Rois uxoris mee et Willelmi filii mei concessi et dedi et hac mea carta confirmavi Johanni de Appelford et heredibus suis vel cui ipse Johannes assignare voluerit unam hidam terre in Kersinton cum omnibus pertinentiis suis in bosco in pratis et pasturis et omnibus liberis exitibus scilicet quam hidam Agnes mater mea tenuit in dote habendam et tenendam sibi et heredibus suis vel cui ipse Johannes eam assignare voluerit de me et heredibus meis libere quiete integre pro una libra piperis annuatim michi et heredibus meis inde reddenda in festo sancti Michaelis pro omni servitio salvo regali servitio tale quale servitium ad unam aliam hidam de eodem feudo pertinet pro servitio et homagio suo et per xvi marcas quas idem Johannes michi dedit et Rois uxori mee ii bizanteos et Willelmo filio meo unum ensem precii xii d Et ego predictus Henricus et heredes mei warantizabimus predictam hidam predicto Johanni et heredibus vel cui ipse Johannes eam assignavit contra omnes homines Et si ego Henricus et heredes mei non poterimus warantizare predictam hidam predicto Johanni et heredibus suis vel cui ipse Johannes eam assignavit tunc faciemus eis escambium unam hidam de terra mea in Chelreia plenarie cum omnibus pertinentiis suis per predictum servitium suum pro una libra piperis in festo sancti Michaelis pro omni servitio Et ut hec concessio et donatio rata et stabilis inperpetuum permaneat sigilli mei appositione eam corroboravi Hiis testibus Ricardo le Thus qui tunc fuit vicecomes Oxeneford Amius de Wodestoke Roberto de Sekeworthe Willelmo filio eius Ricardo Foliot Hugone de Wihthulle Roberto de Wotton Radulpho filio suo Waltero de Kersinton Hugone de Cheselhamton Ada de Cardunvile Roberto de Leuekenor Galfrido de Altefeld Rogero filio Radulphi Gileberto de Coheshulle Johanne Blundo Johanne filio Osberti et multis aliis