Charter Document - 05450331
| Charter Number: | 05450331 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1306 |
| Date type: | Internal, Feast, Regnal |
| Resource Link(s): |
|
Charter:
Universis Christi fidelibus ad quos presens scriptum pervenerit Johannes le Blunt filius et heres Ricardi le Blunt de Kersinton salutem in domino Noverit universitas vestra me remisisse et omnino pro me et heredibus meis quietum clamasse abbatisse de Godestowe et monialibus ibidem deo servientibus totum ius et clameum quod habui vel aliquo modo iure hereditario habere potui in tota terra arabili et prato quod habent in villa de Karsinton campis et pratis ex donis diversorum prout per cartas diversas quas habent de patre meo Ricardo le Blunt et Dyonisia matre mea evidenter apparet quas vidi et aspexi inperpetuum ita quod nec ego Johannes nec heredes mei nec aliquis nomine nostro aliquid iuris vel clamei in predictis terris et pratis de cetero exigere vel vendicare poterimus quoquo modo Pro hac autem remissione quieta clamantia ac bono pacis dederunt michi dicte abbatissa et moniales dimidiam marcam argenti premanibus Et ego vero dictus Johannes et heredes mei dictas terras et pratum ut predictum est contra omnes homines per servitium in cartis suis contenta warantizabimus acquietabimus et defendemus in perpetuum In cuius rei testimonium sigillum meum presenti scripto est appensum Hiis testibus Reginaldo clerico de Eynesham Waltero le Blunt filio meo et herede Willelmo de Essendon tunc senescallo de Godestowe Nicholao de Storhous Thoma de Cudlinton clerico et multis aliis Data apud Godestowe die dominica proxima post festum apostolorum Symonis et Jude anno regni regis Edwardi tricesimo quarto