Charter Document - 05450328
| Charter Number: | 05450328 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1279 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Dionisia de Kersinton relicta Ricardi le Blundo de Kersinton salutem in domino sempiternam Noverit universitas vestra me in mea legia viduitate remisisse et omnino quietum clamasse abbatisse et monialibus de Godestowe totum ius meum et clamium quod habui vel habere potui tam ratione dotis mee quam ratione maritagii de tota terra arrabili et prato adiacente in villa de Kersinton libere et quiete inperpetuum quam dictus Ricardus le Blund maritus meus unquam tenuit in eadem villa ita quod ego Dionisia relicta predicti Ricardi le Blund nec aliquis nomine meo amodo in dicto maritagio meo vel dote me aliquod ius vel clamium exigere possimus imperpetuum Pro hac concessione remissione et quieta clamantia dederunt michi dicte abbatissa et conventus iii s argenti in gerssuma et unum quarterium frumenti In cuius rei testimonium presenti scripto sigilla filii mei Johannis et Willelmi filii Petri de Kersinton apponi feci Hiis testibus Willelmo filio Petri de Kersinton Symone Punchard Roberto Punchard Walkelyno de Upton domino Odone de Godestowe et aliis Data apud Godestowe die veneris proxima post octabas pasche anno regni regis Edwardi filii regis Henrici septimo