Charter Document - 05450327
| Charter Number: | 05450327 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 - 1286 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Bagot filius Roberti Bagot dedi et concessi et hac presenti carta mea confirmavi Petro de Esserugge pro homagio et servitio suo sibi et heredibus suis vel suis assignatis quinque virgatas terre in territorio de Kersinton et unum molendinum aquaticum in eadem villa cum omnibus pertinentiis dictam terram et dictum molendinum contingentibus et vii s redditus cum pertinentiis quos Nicholaus de Sumerford annuatim michi reddere consuevit et quatuor virgatas terre de vilinagio cum omnibus pertinentiis suis in villa de Throp cum villanis et catallis et eorum exitibus habenda et tenenda dicto Petro de Esserugge et heredibus suis vel suis assignatis de me et heredibus meis vel meis assignatis libere et quiete pacifice honorifice integre hereditarie inperpetuum videlicet in pratis pascuis viis semitis aquis et in omnibus aliis libertatibus ad predictum tenementum pertinentibus reddendo inde annuatim michi et heredibus meis vel meis assignatis ipse vel heredes sui vel sui assignati unum par cirothecarum vel i d infra octabas pasche pro omni servitio seculari et demanda et curie sequela et auxilio que de terra exigi possunt et domino Ricardo de Vernuy capitali domino et heredibus suis vel suis assignatis xxv s ad duos terminos anni scilicet ad festum beate Marie in Marcio xii s et vi d et ad festum sancti Michaelis xii s et vi d salvo servitio domini regis videlicet cum contigerit dominum regem generale scutagium ab Anglia exigere Dictus vero Petrus de Esserugge totum dictum tenementum cum omnibus pertinentiis suis poterit dare vendere legare ubicumque et quibuscumque voluerit ipse et heredes sui vel sui assignati pro me et heredibus meis vel meis assignatis Et ego Willelmus Bagot et heredes mei vel mei assignati totum dictum tenementum cum omnibus pertinentiis suis sicut predictum est dicto Petro de Esserugge et heredibus suis vel suis assignatis contra omnes homines et feminas inperpetuum warantizabimus et defendemus Pro hac autem donatio concessione et presentis carte mee confirmatione dedit michi predictus Petrus de Esserugge lxx marcas sterlingorum et unum palfridum de precio v marcarum premanibus Et ut hec mea donatio concessio et presentis carte mee confirmatio perpetue stabilitatis robur optineat et inconcussa permaneat istud presens scriptum sigilli mei inpressione corroboravi Hiis testibus domino Willelmo de Paris Philippo Pady Henrico de Esseburge Willelmo filio Petri Nicholao Fraunceys de Somerford Willelmo Edmund de Sumerford Johanne janitore de Eynesham Petro de Wyvelcote de Kersynton Radulpho Frankelayne de Erdynton Willelmo Francalano de Erdynton et multis aliis