Charter Document - 05450321
| Charter Number: | 05450321 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1258 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Sancto Audoeno dedi et concessi et hac mea presenti carta confirmavi Petro de Esserugge pro homagio et servitio suo totam terram meam de Karsinton cum omnibus suis pertinentiis tam infra villam quam extram habendam et tenendam predicto Petro et heredibus suis et suis assignatis quibuscumque voluerit de me et heredibus meis inperpetuum libere et quiete et integre reddendo inde annuatim predictus Petrus et heredes sui vel sui assignati michi et heredibus meis i d ad pascha pro omni servitio et exactione et demanda et curie secta salvis servitiis capitalibus dominis debitis et consuetis et salvo servitio domini regis quantum pertinet ad tantam terram in eadem villam Ego autem predictus Willelmus et heredes mei totam predictam terram cum suis pertinentiis predicto Petro et heredibus suis assignatis quibuscumque voluerit contra omnes homines warantizabimus defendemus et acquietabimus Pro hac autem donatione concessione warantizatione defensione et acquietantia predictus Petrus dedit michi lx marcas argenti Ut igitur hec omnia prescripta et predivisa firma et stabilia inperpetuum permaneant huic scripto sigillum meum apposui Hiis testibus domino Nicholao de Hanred tunc vicecomite Oxon domino Johanne de Lapenne tunc senescallo de honore Sancti Walerici domino Henrico de Acton tunc priore Osen domino Willelmo de Sutton senescallo Osen Philippo Pady Willelmo Petri Eustachio le Eyr Petro Punchard Johanne de Merse clerico Britio de Osen et aliis