Charter Document - 05450320
| Charter Number: | 05450320 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1260 |
| Date type: | Assigned |
| Resource Link(s): |
|
Charter:
Sciant omnes presens visuri vel audituri quod ego Stephanus de Frecewelle dedi licentiam et concessi quod Petrus de Esserugge intret in feodum meum de Kersinton Et volo et concedo et pro rato habeo pro me et heredibus meis quod ipse Petrus et heredes sui vel sui assignati habeant et gaudeant predictum ingressum ita quod ego Stephanus vel heredes mei nichil possimus exigere de predicto Petro vel heredibus suis vel suis assignatis ratione illius ingressus salvo michi et heredibus meis servitio inde de iure debito et consueto Et ut hec mea donatio et concessio rata et inconcussa permaneat presens scriptum sigillo meo consignatum perduxi in testimonium Hiis testibus domino Willelmo de Hasting domino Jacobo le Savage Galfrido de Burton Johanne de Haddon Eustachio de Esthalle Payn de Moubray Symone le Brun Roberto fratre eius et aliis