Charter Document - 05450318
| Charter Number: | 05450318 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Odo de Godestowe capellanus dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et sanctimonialibus ibidem servientibus et inperpetuum servituris unam acram terre arrabilis in villa de Karsinton illam scilicet que iacet juxta viam viridem inter duos campos extendens se a dominico domini Willelmi de Monte Acuto usque ad terram Symonis Punchard et duas acras prati in eadem villa quarum una jacet in prato de Ruweneye et vocatur Hanedacre et quatuor rode iacent in Farnhille quarum una iacet in prima sorte que roda quondam fuit Willelmi filii Petri de Kersinton et alia roda jacet in sorte illa scilicet quam habui de Nicholao filio Petri de Wyvelcote et due rode jacent in ultima sorte quarum unam habui de Willelmo filio Petri et aliam de predicto Nicholao de Wivelecote et xviii d annualis redditus in eadem villa sciliet xii d de mesuagio Hugonis Mireman de Sumerford ad duos anni terminos per equalies partes percipiendos videlicet ad festum sancti Michaelis et ad festum beate Marie in Marcio et vi d de mesuagio Johannis pistoris de Godestowe ad festum sancti Michaelis percipiendos habendum et tenendum predictam acram terre cum prato et xviii d annualis redditus predictis cum homagiis wardis releviis et escaetis et omnibus aliis ubique pertinentiis suis de me et heredibus meis dictis monialibus et earundem succedentibus in perpetuam elemosinam reddendo inde dominis feodi servitium debitum et consuetudinem et Alicie de Wattelinton et Agneti de eadem monialibus de Godest x s quamdiu vixerint ad duos anni terminos de manerio nostro de Karsinton percipiendos videlicet ad festum sancti Michaelis v s et ad festum beate Marie in Marcio v s et dicti x s post decessum earundem die anniversarii Willelmi quondam custodis de Godestowe ad pittantiam remaneant et ad lumen in capella beate Marie de Godestowe xviii d pro anima dicti Willelmi ad eosdem terminos solvendos pro omnibus servitiis curiarum sectis et secularibus demandis Et ego predictus Odo et heredes mei predictam acram terre cum toto prato et xviii d annualis redditus prenotatis cum omnibus aliis ubique pertinentiis suis prescriptis dictis monialibus et earundem succedentibus warantizabimus imperpetuum Et ut hec mea donatio concessio et carte mee confirmatio rata stabilis et inconcussa inperpetuum permaneat presentem cartam sigilli mei impressione roboravi Hiis testibus Johanne Padi Johanne de O Willelmo filio Petri Symone Anglico Symone Punchard Roberto Punchard Johanne Bras Symone Thedulf Nicholao de Wyvelcote et multis aliis