Charter Document - 05450317
| Charter Number: | 05450317 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Willelmus filius Petri de Kersinton dedi concessi et hac presenti carta mea confirmavi domino Odoni de Godestowe capellano unam acram de terra mea arrabili in campo de Karsinton quarum dimidia acra iacet atte Redhegge inter terram abbatisse de Godest et terram Symonis Boneton et alia dimidia acra iacet atte Yornidon inter terram dicte abbatisse et terram Galfridi Bras tenendam et habendam totam predictam terram cum omnibus suis pertinentiis de me et heredibus meis vel meis assignatis dicto Odoni de Godestowe capellano et heredibus suis et suis assignatis religiosis et aliis libere quiete bene et in pace et integre inperpetuum reddendo inde annuatim unam rosam ad festum sancti Johannis baptiste michi et heredibus meis vel meis assignatis dictus Odo et heredes sui vel sui assignati pro omni seculari servitio exactione et demanda et curiarum secta Et ego predictus Willelmus filius Petri et heredes mei vel mei assignati totam predictam acram terre arrabilis cum omnibus suis pertinentiis dicto Odoni capellano et heredibus suis vel suis assignatis religiosis et aliis nostris propriis sumptibus warantizabimus acquietabimus et defendemus contra omnes homines mares et feminas inperpetuum In cuius rei testimonium presenti scripto sigillum meum apposui Hiis testibus Johanne Pady Symone Anglico Roberto Punchard Symone Boneton et aliis Data apud Karsinton die veneris proxima post festum sancti Vincencii anno regni regis Edwardi quinto