Charter Document - 05450316
| Charter Number: | 05450316 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Nicholaus de Kersinton filius Petri de Wyvelcote dedi concessi et hac presenti carta mea confirmavi Odoni clerico de Godestowe duas rodas prati de prato meo scilicet in prato de Frarrenhulle infra limites parochie de Kersinton quarum una iacet in prima sorte occidentali preter unam sortem sicut sors dederit et alia iacet in sorte ultima tenendas et habendas predictas duas rodas prati cum omnibus earum pertinentiis et libertatibus in viis semitis pratis pascuis et pasturis de me et heredibus meis vel meis assignatis dicto Odoni clerico et heredibus suis vel suis assignatis cuicumque et quibuscumque predictas duas rodas prati cum earum pertinentiis et libertatibus predictis sanus vel eger dare legare vendere vel assignare voluerit libere quiete pacifice et integre et honorifice inperpetuum tam domibus religiosis quam aliis reddendo inde annuatim michi et heredibus meis vel meis assignatis dictus Odo et heredes sui vel sui assignati unam rosam ad festum sancti Johannis baptiste pro omni servitio seculari exactione et demanda secta curie et servitio regali que a me vel ab heredibus meis vel meis assignatis seu a capitali domino de predictis duabus rodis prati exigi poterunt Et ego predictus Nicholaus de Karsinton filius Petri de Wyvelcote et heredes mei vel mei assignati predictas duas rodas prati cum omnibus earum pertinentiis et libertatibus pretactis predicto Odoni et heredibus suis vel suis assignatis quibuscumque fuerint contra omnes homines mares et feminas tam iudeos quam christianos warantizabimus acquietabimus et defendemus inperpetuum nostris propriis sumptibus Pro hac autem donatione concessione et presentis carte mee confirmatione et mea warantizatione et defentione dedit michi predictus Odo xxxii s argenti premanibus in gersuma Et ut hec autem mea donatio concessio warantizatio et presentis carte mee confirmatio perpetue stabilitatis robur optineat et inconcussa permaneat istud presens scriptum sigilli mei inpressione corroboravi Hiis testibus Johanne Pady de Karsyinton Roberto Punchard Johanne de O Oxonie Thoma Forel de Somerford Symone Punchard Willelmo filio Petri de Karsinton Johannne Bras et multis aliis