Charter Document - 05450315
| Charter Number: | 05450315 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Petri de Kersinton assensu et consensu Johanne uxoris mee et heredum meorum dedi concessi et hac presenti carta mea confirmavi Odoni clerico de Godestowe unam acram prati in prato quod vocatur Rouueneye infra limites parochie de Karsinton illam scilicet acram que proximior est Cogchesham tenendam et habendam totam predictam acram prati cum omnibus suis pertinentiis et libertatibus in viis semitis pratis pascuis et pasturis de me et heredibus meis vel meis assignatis dicto Odoni et heredibus suis vel suis assignatis cuicumque vel quibuscumque totam predictam acram prati cum omnibus suis pertinentiis sanus vel eger dare legare vendere vel assignare voluerit quiete libere pacifice integre et honorifice inperpetuum tam domibus religiosis quam aliis reddendo inde annuatim michi et heredibus meis vel meis assignatis unam rosam ad festum sancti Johannis baptiste pro omni servitio seculari exactione et demanda consuetudine secta curie et servitio regali que ratione predicte acre prati a me vel ab heredibus meis vel meis assignatis exigi poterunt Et ego predictus Willelmus filius Petri de Karsinton et heredes mei vel mei assignati totam predictam terram acram prati cum omnibus suis pertinentiis predicto Odoni et heredibus suis vel suis assignatis contra omnes homines mares et feminas christianos et iudeos nostris propriis sumptibus warantizabimus acquietabimus et defendemus inperpetuum Pro hac autem donatione concessione et presentis carte mee confirmatione et warantizatione dedit michi dictus Odo xx s sterlingorum premanibus in gersumma Ut hec autem mea donatio concessio warantizatio et presentis carte mee confirmatio et defensio perpetue stabilitatis robur optineat et inconcussa permaneat inperpetuum istud presens scriptum sigilli mei impressione corroboravi Hiis testibus Johanne Pady Willelmo de Sancto Audoeno Johanne portario de Eynnsham Roberto Punchard Symone Punchard Symone Anglico Nicholao de Wyvelcote et aliis