Charter Document - 05450313
| Charter Number: | 05450313 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Amicia de Somerford filia Petri de Wyvelcote in libera potestate et legitima mea viduitate concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris totam terram arrabilem in campo de Karsinton quam Walterus Jordan aliquando de me tenuit in eodem campo videlicet unam dimidiam acram que jacet in Ye Morilonde inter terram Petri de Essurge et terram Roberti Punchard et dimidiam acram in Ye Haldefelde inter terram Petri de Esrurge ex una parte et dimidiam acram in Hangindelonde iuxta terram Petri de Essurge et unam dimidiam acram super Surrelonde iuxta terram Roginaldi le Suchern ex parte aquilonari et extendit se in viam regiam et similiter unam goram terre que iacet ex parte australi de Blendewelle inter terram abbatisse de Godestowe et Rogeri Yurbern et extendit se usque in pasturam ita videlicet quod dicte moniales et earundem successores habeant et teneant totam prenominatam terram in liberam puram et perpetuam elemosinam de me et heredibus meis vel meis assignatis inperpetuum ita quod nec ego nec heredes mei vel mei assignati quicquam de tota predicta terra a predictis monialibus vel earundem successoribus exigere possemus In cuius rei testimonium presenti scripto sigillum meum apposui Hiis testibus Willelmo filio Petri de Kersinton Johanne le porter de Eynesham Simone Punchard de Karsinton Roberto Punchard de Kersinton Nicholao filio Petri de Wyvelcote Symone Anglico de Karsinton et aliis