Charter Document - 05450311
| Charter Number: | 05450311 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1286 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Agnes relicta Jurdani molendinarii de Karsinton salutem in domino Noverit universitas vestra me in mea legia viduitate remisisse et omnino quietum clamasse abbatisse et monialibus de Godestowe inperpetuum totum ius meum et clameum quod habui vel habere potui nomine dotis seu maritagii de tribus dimidiis acris et una roda terre arabilis in campo de Karsinton quas predicte moniales habuerunt de dono et venditione dicti Jordani quondam mariti mei ita quod ego Agnes predicta nec aliquis nomine meo de predictis tribus dimidiis acris et roda predicta aliquod ius vel clameum exigere possimus inperpetuum Pro hac autem remissione et quieta clamatione dederunt michi predicte moniales dimidiam marcam argenti premanibus In cuius rei testimonium huic presenti scripto sigillum meum apposui Hiis testibus Roberto le Eyer tunc ballivo de Wodestoke Ricardo Halny de Eynesham Ricardo le Blund de Karsinton Thoma Forel de Somerford Johanne Bras de Karsinton et aliis Data apud Godestowe die mercurii proxima post festum sancti Michaelis archangeli anno regni regis Edwardi filii regis Henrici quarto decimo