Charter Document - 05450304
| Charter Number: | 05450304 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1281 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Ricardus filius Willelmi de la Grene de Kersintone salutem Noverit universitas vestra me remisisse et omnino quietum clamasse pro me et heredibus meis vel meis assignatis abbatisse de Godestowe et monialibus ibidem deo servientibus totum ius et clamium quod habui vel aliquo modo habere potui in tota terra arrabili cum prato et pastura ad eandem spectante in campis et pratis de Kersinton quam terram et pratum et pasturam Robertus filius Petri de Wivelcote avunculus meus unquam habuit et tenuit in eadem villa de Karsinton ex dono Petri de Wivelcote patris dicti Roberti habendam et tenendam totam predictam terram et pratum cum omnibus suis ubique pertinentiis predictis abbatisse et monialibus de me et heredibus meis vel meis assignatis libere et quiete bene et in pace in pratis pascuis et pasturis inperpetuum ita quod nec ego predictus Ricardus nec heredes mei vel mei assignati in tota predicta terra et prato una cum omnibus suis pertinentiis nichil inposterum possimus vendicare seu clamare Pro hac autem remissione et quieta clamatione dederunt michi predicte abbatisse et moniales xliii s et iiii d argenti in gersuma In cuius rei testimonium huic presenti scriptum sigillum meum apposui Hiis testibus Edmundo Pady de Kersynton Roberto Punchard Willelmo filio Petri Waltero Bost Symone Anglico et multis aliis Data apud Godestowe die dominica proxima ante festum apostolorum Symonis et Jude anno regni regis Edwardi nono