Charter Document - 05450302
| Charter Number: | 05450302 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1244 - 1295 |
| Date type: | Assigned |
| Resource Link(s): |
|
Charter:
Sciant presentes et futuri quod ego Petrus de Wivelcote concessi et hac presenti carta mea confirmavi Matilde filie mee quinque acras et unam virgam terre arabilis in territorio de Kersinton et duas virgas et quatuor scrophos prati in Farnhulle quam quidem terram cum prato prenominato Robertus filius meus eidem Matilde per cartam suam dedit tenendum et habendum eidem Matilde et heredibus suis vel cuicumque dare vendere vel assignare voluerit exceptis domibus religionis de me et heredibus meis libere et quiete pacifice et integre inperpetuum reddendo inde annuatim michi et heredibus meis xii d ad quatuor anni terminos videlicet ad natale domini iii d et ad festum beate Marie in marcio iii d ad nativitatem beati Johannis baptiste iii d et ad festum beati Michaelis iii d pro omni servitio consuetudine et seculari demanda salvo forinseco servitio domini regis ad tantam terram pertinente Et ut hec mea concessio et confirmatio robur optineant inperpetuum presens scriptum sigilli mei impressione roboravi Hiis testibus Willelmo filio Petri Nicholao le Franceis Symone Anglico Symone Punchard Hugone Furel Willelmo filio Edmundi et aliis