Charter Document - 05450300
| Charter Number: | 05450300 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1242 - 1295 |
| Date type: | Assigned |
| Resource Link(s): |
|
Charter:
Sciant presentes et futuri quod ego Petrus de Wivelcote dedi et concessi et hac presenti carta mea confirmavi Roberto filio meo pro homagio et servitio suo quinque acras et unam virgatam terre mee arrabilis in territorio de Kersinton quarum una dimidia acra iacet in Aldradeslade inter terram Johannis de Wotton et una virga iacet in Francherdeie inter terram abbatisse de Godestowe et terram Roberti Punchard et dimidia acra extendit se ad aquam apud Bradeforde inter terram Reginaldi le SuYerne et terram Matilde Juvenis et dimidia acra in Hangindelonde inter terram dicte abbatisse et terram Theodulfi et dimidia acra apud Bulvehamhoke inter terram abbatisse et terram Johannis de Wotton et dimidia acra in Oldefelde ad portam de Burule inter terram Reginaldi SuYerne et terram Lucie relicte Galfridi Barz et dimidia acra in Northlongelonde inter terram abbatisse et terram Sybille relicte Ricardi medici et dimidia acra in Putlesden inter terram Ricardi Neuman et terram Reginaldi SuYerne et dimidia acra in Longewowe inter terram Ricardi Neuman et terram Thome de Lutlemore et dimidia acra in Porfurlonge inter terram dicte abbatisse et terram Willelmi Boneton et una virga in Linton inter terram Hyde et terram Matilde Juvenis et una virga in insula in Morelakefurlonge inter terram Hyde et terram Ricardi Neuman et duas virgas prati in Farnhulle in duobus primis sortibus versus austrum cum quatuor scrophis tenenda et habenda eisdem Roberto et heredibus suis et assignatis scilicet cuicumque et quandocumque dare vendere assignare vel legare voluerit exceptis domibus religiosis de me et heredibus meis libere et quiete pacifice et integre inperpetuum reddendo inde michi et heredibus meis xii d ad quatuor anni terminos videlicet ad natale domini iii d ad festum sancte Marie in marcio iii d ad nativitatem sancti Johannis baptiste iii d ad festum sancti Michaelis iii d pro omni servitio consuetudine et suum seculari demanda salvo forinseco domini regis ad tantam terram pertinente Et ego Petrus et heredes mei totam predictam terram cum predicto prato prefato Roberto et heredibus suis sive suis assignatis secundum formam prescriptam contra omnes homines et feminas warantizabimus inperpetuum pro predicto servitio Et in huius rei testimonium presenti scripto sigillum meum apposui Hiis testibus Willelmo filio Petri Ricardo Blundo Ricardo Franceis Johanne de Wotton Hugone Fabro Symone Punchard Symone Anglico et aliis