Charter Document - 05450297
| Charter Number: | 05450297 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1205 |
| Date type: | Internal, Calendar, Regnal |
| Resource Link(s): |
|
Charter:
Johannes dei gratia rex Angl dominus Hybern dux Norm Aquit et comes And archiepiscopis episcopis abbatibus comitis baronibus justiciariis vicecomitibus prepositis ministris et omnibus ballivis et fidelibus suis salutem Sciatis nos concessisse et hac carta nostra confirmasse Thome de Chimilly clerico nostro totam terram et feodum in villa de Kersinton que Petrus filius Willelmi filii Ricardi de Kersinton eidem Thome dedit et concessit pro homagio et servitio suo et carta sua confirmavit habenda et tenenda predicto Thome et heredibus suis vel illis quibus ipse ea dare legare vendere vel assignare voluerit de predicto Petro et heredibus suis cum omnibus pertinentiis suis bene et in pace libere et quiete plenarie integre et honorifice in omnibus locis et rebus cum libertatibus et liberis consuetudinibus ad ea pertinentibus reddendo inde xii d per annum pro omni servitio sicut carta predicti Petri quam inde habet rationabiliter testatur Concessimus etiam et presenti carta nostra confirmavimus predicto Thome omnes alias donationes emptiones et perquisitiones suas habendas et tenendas sibi et heredibus suis vel illis quibus ipse illa assignaverit bene et in pace sicut carte donatorum vel venditorum vel dominorum quas inde habet rationabiliter testantur Testibus comite A Ebroic Roberto filio Rogeri Hugone de Nevill Petro de Stok Thoma de Sanford Matheo filio Herberti Ricardo de Riveriis Briano de Insula Gaufrido de Lucy Data per manum Hugonis de Well archidiaconis Well apud Gillingeham xiii die Novembris anno regni nostri vii