Charter Document - 05450294
| Charter Number: | 05450294 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1203 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Petrus filius Willelmi filii Ricardi de Karsinton dedi et concessi et hac mea carta confirmavi in feodo et hereditate Thome de Chimeli vel cui idem Thomas assignare vendere dare vel legare voluerit de me et heredibus meis mesuagium cum crofto quod Alewi tenuit in villa de Kersinton Et preterea unam virgatam terre cum omnibus pertinentiis suis quam Unfridus de Aneburge tenuit in eadem ville dedi et concessi eidem Thome [vel cui idem] assignare vendere dare vel legare voluerit de me et de heredibus meis tenendam et habendam libere et quiete pacifice et honorifice in bladis in pratis in pascuis in viis in semitis et omnibus liberis consuetudinis ad eas pertinentibus per servitium unius denarii per annum pro omni servitio scilicet ad festum sancti Michaelis salvo servitio domini regis Predictum vero mesuagium cum crofto et predictam virgatam terre cum pertinentiis suis ego predictus Petrus et heredis mei warantizabimus predicto Thome vel cui idem Thomas assignare dare vendere vel legare voluerit contra omnes homines et feminas Quod si hec omnia predicta eis warantizare non possimus dabimus eis exchambium de feodo nostro ad valorem predicti mesuagii cum crofto et predicte virgate terre cum omnibus pertinentiis suis Pro hac vero donatione et concessione et carte confirmatione dedit michi predictus Thomas xxx s sterlingorum in gersumam Et ut hec mea donatio et confirmatio rata et inconcussa inperpetuum permaneat hanc cartam sigilli mei appositione dignum duxi roborare Hiis testibus Willelmo de Ely tunc domini regis thesaurarii Galfrido de Bocland decano Sancti Martini Lond Stephano Ridel magistro Willelmo de Neketon magistro Benedicto de Rameseia magistro Jocelino marescallo Johanne de Storteford Willelmo de Mene capellano Willelmo de Castell Roberto de Sancto Laur Roberto de Basingeburne clericis Waltero de Eslee Amico de Wodestoke Willelmo filio Willelmi de Clinton Jordano de Clinton Rogero filio Radulphi Waltero de Lancing Ricardo de Bechef Radulpho Hare de Eston Jordano de Lond Radulpho del Frid Petro de Ely Johanne filio Edwardi prepositi Johanne Sprot et multis aliis Et sciendum est quod hec carta facta fuit coram baronibus de scaccario et in rotulo domini regis inrotulata ad festum sancti Michaelis anno sexto regni regis Johannis in rotulo de Oxenefordeschir