Charter Document - 05450293
| Charter Number: | 05450293 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Enfeoffment |
| Date: | 1204 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Petrus filius Willelmi filii Ricardi de Kersinton dedi et concessi et hac carta mea confirmavi Thome de Chimill pro homagio et servitio suo unam virgatam terre cum omnibus pertinentiis suis quam Humfridus de Aneberge tenuit in villa de Kersinton et unum mesuagium cum crofto quod Alewi tenuit in eadem villa Et preterea x solidatas redditus de quibus Petrus de Wivelcote et heredes sui redent predicto Thome et heredibus suis vel cui dare vel assignare voluerit v s ad quatuor anni statutos terminos et Robertus de Witton reddet eidem Thome et heredibus suis vel cui dare vel assignare voluerit ille Robertus et heredes sui alios v s ad duos anni statutos de x s quos michi idem R solebat et antecessoribus meis reddere per annum tenendum de me et heredibus meis sibi et heredibus suis vel cui dare vel assignare voluerit in feodo et hereditate reddendo michi annuatim et heredibus meis unum par calcarium vel ii d si ipse maluerit ad festum sancti Michaelis pro omnibus servitiis ad me vel ad heredes meos pertinentibus Quare volo quod predictus Thomas et heredes sui post ipsum vel cui dare vel assignare voluerit habeant et teneant totam predictam virgatam terre in bladis in pratis in pascuis in viis in communis in semitis et in omnibus locis cum pertinentiis suis et mesuagium cum crofto et cum predicto redditu x s cum homagiis et servitiis predictorum Roberti et Petri et heredum suorum releviis et wardis bene et in pace libere et quiete ab omnibus placitis querelis et de quibuslibet demandis per predictum servitium Ego vero et heredes mei warantizabimus predicto Thome et heredibus suis vel cui dare vel assignare voluerit predictam virgatam terre cum pertinentiis suis et totum predictum tenementum et redditum sine aliquo retinemento contra omnes homines et feminas Quod se forte warantizare non possimus dabimus eis eschambium ad valentiam predictorum de propria hereditate nostra Pro hac vero donatione et concessione et carte confirmatione dedit michi predictus Thomas lxx s sterlingorum in gersumam Et ut hec mea donatio et confirmatio rata et inconcussa permaneat inperpetuum hanc cartam sigilli mei appositione roboravi Hiis testibus Willelmo domini regis thesaurario Galfrido de Bodland decano Sancti Martini Lond Stephano Ridel Johanne de Sterteford Willelmo de Hoxne capellano Willelmo de Castell Roberto de Sancto Laurentio clericis Waltero de Esselehe filio Willelmi Willelmo filio Willelmi de Clinton et aliis Et sciendum est quod hec carta facta fuit coram baronibus de sacaccario apud Westm et in rotulo domini regis inrotulata ad festum omnium sanctorum anno vj regni regis Johannis in rotulo de Oxenefordsir