Charter Document - 05450290
| Charter Number: | 05450290 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1302 |
| Date type: | Internal, Calendar, Regnal |
| Resource Link(s): |
|
Charter:
Omnibus Christi fidelibus presens scriptum visuris vel audituris Willelmus filius Willelmi filii Petri de Karsinton salutem in domino sempiternam Noverit universitas vestra me concessisse remisisse et pro me et heredibus meis et assignatis meis omnino quietum clamasse Alicie de Gorges abbatisse de Godestowe et eiusdem loci conventui et earum successoribus inperpetuum totum ius meum et clamium quod unquam habui vel habeo vel aliquo tempore futuro habere potero inperpetuum in omnibus terris tenementis redditibus domibus gardinis pratis pascuis viis semitis aquis et omnibus aliis rebus que aliquo tempore elapso fuerunt aliquorum antecessorum meorum infra villam de Karsinton et extra et que predicta abbatissa et conventus loci predicti et earum predecessores hucusque tenuerunt et adhuc tenent habendas et tenendas omnes terras et omnia tenementa predicta simul cum redditibus domibus gardinis pratis pasturis viis semitis aquis et in omnibus aliis pertinentiis suis infra predictam villa de Karsinton et extra in omnibus locis predicte abbatisse et eiusdem loci conventui et earum successoribus libere quiete integre bene et in pace inperpetuum ita videlicet quod ego predictus Willelmus filius Petri vel heredes mei vel assignati mei vel aliquis alius nomine meo vel heredum meorum aut assignatorum meorum in predictis terris tenementis redditibus domibus gardinis pratis pasturis viis semitis aquis vel in aliqua parte eorundem nichil iuris vel clamii de cetero vendicare vel exigere poterimus inperpetuum set potius ego et heredes mei ad warantizationem omnium terrarum et tenementorum predictorum cum suis pertinentiis predictis abbatisse et conventui et earum successoribus faciendam per presens scriptum teneamur in perpetuum In cuius rei testimonium presenti scripto sigillum meum apposui Hiis testibus dominis Ricardo de Ammari et Waltero de Wichthull militibus Roberto le Botiler Johanne de Croxford Waltero de Cuvyle Ada de Humbre Ricardo de Caune Roberto Jordan Waltero Bost et aliis Data apud Oxon quinto decimo die Septembris anno regni regis Edwardi filii regis Henrici tricesimo