Charter Document - 05450288

Sciant presentes et futuri quod ego Willelmus filius Petri de Karsinton dedi et concessi et hac presenti carta mea confirmavi deo et ecclesie sancti Johannis baptiste de Godestowe et sanctimonialibus ibidem deo servientibus et inperpetuum servituris pro me et pro heredibus meis in liberam puram et perpeptuam elemosinam totam terram arrabilem et totum pratum que habent de feodo meo in campo et prato de Karsinton cum hominibus libere tenentibus et eorundem releviis wardis homagiis et curie sectis videlicet Nicholao filio Petri de Wivelcote et Willelmo filio Edmundi et Roberto filio Petri de Wivelcote et Ricardo filio Willelmi de la Grene cum quinque solidatis annualis redditus dictis monialibus de Godestowe per dictos homines solvendis annuatim et per eorundem heredes vel assignatis inperpetuum et cum quinque solidatis annualis redditus per Robertum de Wottone et eius heredes dictis monialibus annuatim solvendis et cum tota terra et prato pertinentibus ad dominicum et capitale mesuagium quod Thomas de Chimili dedit predictis monialibus in villa de Karsinton cum tota curia et omnibus edificiis ibidem existentibus cum gardino et servatorio et crofta similiter que adiacet ipsi curie similiter cum terra arrabili in campo de Karsinton spectante ad dominicum de qua videlicet terra quinque acre simul iacentes se extendunt in to Porteweye et una dimidia acra que se extendit in to Porteweye iuxta terram dicti Willelmi filii Petri et sex acre terre que se extendunt in to Batemore simul iacentes in longitudinem iuxta viam et tres acre terre et dimidia simul iacentes a parte aquilonari iuxta Hidam et se extendunt in to Batemore et sex acre terre in Bonfurlonge simul iacentes que se extendunt in Kyngesweye et tres acre terre in eodem furlonge simul iacentes una acra de Hida interiacente cum decem acris simul iacentibus in cultura que vocatur Hurleya et cum omnibus buttis simul iacentibus qui se extendunt in to Bradeforde et iacent inter terram que fuit Symone Punchard ex parte occidentali et terram de Hida ex parte orientali et cum sex acris terre et dimidia in Roufurlonge simul iacentibus extendentibus se in to Dedecherle et cum quatuor acris simul iacentibus in Shorttefurlonge et cum tribus rodis terre extendentibus se in croftam Thome filii Hawisie et cum tota cultura que vocatur Haya circumquaque fossata cum prato et pastura adiacentibus que se extendunt usque ad pratum de Wortone et cum quatuor acris prati pertinentibus ad dominicum in praterio quod vocatur Boronham Remitto etiam pro me et pro heredibus meis vel meis assignatis xii d annualis redditus dictis sanctimonialibus et earundem successoribus inperpetuum in quibus tenebantur michi et heredibus meis assignatis secundum tenorem carte domini Thome de Chimili Ego vero Willelmus filius Petri de Karsintone dedi et concessi et hac presenti carta mea confirmavi omnia prenominata dictis sanctimonialibus et earundem successoribus ut ipse habeant et teneant de me et heredibus meis vel meis assignatis sibi et earundem successoribus omnia prenominata prout divisa sunt in liberam puram et perpetuam elemosinam libere et quiete pacifice honorifice integre bene et in pace finabiliter quieta ab omni seculari exactione et demanda releviis wardis homagiis et curie sectis que ad me vel ad heredes meos vel meos assignatos aliquo modo occasione omnium predictorum in hac presenti carta contingere possint in viis pratis pascuis pasturis et omnibus aliis libertatibus et aisiamentis que ad omnia prenominata contingere possint Pro hac autem donatione concessione confirmatione dederunt michi predicte sanctimoniales lx s in gersumma Et ego prefatus Willelmus filius Petri de Karsintone et heredes mei vel mei assignati totum prenominatum tam in terris quam in pratis et omnibus aliis predivisis predictis sanctimonialibus et earundem successoribus contra omnes homines mares et feminas warantizabimus et defendemus inperpetuum Et ut hec mea donatio concessio et presentis carte mee confirmatio perpetue stabilitatis robur optineat istud presens scriptum sigilli mei impressione corroboravi Hiis testibus domino Rogero de Witham milite Willelmo Calemund de Witham Johanne de la Sale de Hanebrugge Willelmo de Sancto Audoeno de Hanebrugge Johanne portario de Eynesham Symone Punchard de Karsinton Thoma Punchard de Karsinton Symon le Engleys de Karsinton Radulpho le Frankeleyne de Erdyntone Willelmo le Frankeleyne de Erdintone Symone le Frankeleyne de Erdynton et multis aliis