Charter Document - 05450284
| Charter Number: | 05450284 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Petri de Karsinton dedi et concessi et hac presenti carta mea confirmavi deo et ecclesie sancti Johannis baptiste de Godestowe et sanctimonialibus ibidem deo servientibus et inperpetuum servituris totam terram meam arabilem et pratum cum pastura et aliis pertinentiis quam habui a parte orientali de Sumerford inclusam quodam fossato in campo qui vocatur Haya Confirmavi insuper reliquam parem dictorum campi prati et pasture cum pertinentiis quam de feodo meo habuerunt ita quod dicte moniales et earundem successores habeant et teneant totum campum illum integrum cum prato et pastura et omnibus aliis pertinentiis circumquaque fossatum qui se extendit usque pratum de Wortone pro me et salute anime mee et uxoris mee et pro animabus antecessorum meorum habendum et tenendum totum predictum campum cum prato et pastura et omnibus aliis pertinentiis in liberam puram et perpetuam elemosinam de me et heredibus meis vel meis assignatis predictis monialibus et earundem successoribus libere et quiete pacifice honorifice integre bene et in pace finabiliter ab omni seculari exactione et demandis et curie secta ita quod ego et uxor mea et predecessores mei participes simus omnium orationum suffragiorum et aliorum bonorum que fient per predictas moniales et earundem successors inperpetuum Et ego Willelmus filius Petri de Karsinton et heredes mei vel mei assignati totum campum prenominatum et pratum et pasturam cum omnibus pertinentiis suis et omnibus aliis libertatibus in viis et semitis pratis pascuis pasturis et omnibus aliis aisiamentis contra omnes homines dictis monialibus et earundem successoribus warantizabimus et defendemus Et ut hec mea donatio concessio et presentis carte mee confirmatio perpetue stabilitatis robur optineat istud presens scriptum sigilli mei impressione corroboravi Hiis testibus domino Rogero de Witham milite Willelmo Calemund de Witham Johanne de la Sale de Hanebrigge Willelmo de Sancto Audoeno Johanne portario de Eynesham Symone Punchard de Karsinton Thoma Ponchard Symone le Engleys de Karsinton et multis aliis