Charter Document - 05450282
| Charter Number: | 05450282 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Petri de Karsinton dedi et concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris in liberam puram et perpetuam elemosinam unam acram cum parva pecia terre in campo de Karsinton que iacent iuxta viridem viam inter duos campos et extendunt a dominico domini Willelmi de Monte Acuto super Dedecherle usque ad terram Symonis Ponchard tenendam et habendam libere et quiete pacifice integre et honorifice ab omni seculari servitio exactione et demanda consuetudine et secta curie et servitio regali pro me et pro heredibus meis vel meis assignatis dictis monialibus et earundem successoribus inperpetuum sicut aliqua elemosina liberius et quietius dari possit Et ego predictus Willelmus filius Petri de Karsinton et heredes mei vel mei assignati totam predictam terram predictis monialibus et earum successoribus contra omnes homines mares et feminas acquietabimus warantizabimus et defendemus inperpetuum Et ut hec mea donatio concessio et presentis carte mee confirmatio perpetue stabilitatis robur optineat et inconcussa permaneat istud presens scriptum sigilli mei inpressione corroboravi Hiis testibus Philippo Pady de Karsinton Willelmo de Sancto Audoene de Haneberge Petro de Norleya Johanne le porter de Eynnsham Symone Ponchard de Karsinton Symone le Engleys de Karsynton Roberto Ponchard de Karsinton et aliis