Charter Document - 05450280
| Charter Number: | 05450280 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Petri de Karsinton dedi et concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris unam acram terre mee lucrabilis jacentem in campo de Kersinton unde una dimidia acra iacet inter viridem viam que ducit versus Burwell et terram predictarum monialium in quadam cultura que vocatur Inlonde et alia dimidia acra iacet in eadem cultura inter terram predictarum monialium et terram que fuit quondam Ricardi de Boteleye et extendit se dicta acra en la Portweye que ducit versus Worton habendam et tenendam dictam acram terre cum omnibus pertinentiis suis prefatis monialibus et earundem successoribus de me et heredibus meis vel meis assignatis libere et quiete bene et pacifice in puram et perpetuam elemosinam Et ego dictus Willelmus filius Petri et heredes mei vel mei assignati dictam acram terre cum omnibus pertinentiis suis prefatis monialibus et earundem successoribus contra omnes gentes warantizabimus acquietabimus et imperpetuum defendemus Pro hac autem donatione et concessione et carte mee confirmatione dederunt michi predicte moniales xxx s sterlingorum in gersuma Et ut hec mea donatio et concessio et carte mee confirmatio rata et stabilis inperpetuum permaneat hanc presentem cartam sigilli mei impressione roboravi Hiis testibus domino Roberto de Upton tunc custode domus de Godestowe Johanne Pady Johanne de O burgensibus Oxon Johanne de Chauseye Symone Punchard de Kersinton Roberto Punchard de eadem Symone Anglico de eadem et aliis