Charter Document - 05450279
| Charter Number: | 05450279 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Petri de Karsintone concessi et hac presenti carta mea confirmavi deo et ecclesie sancti Johannis baptiste de Godestow et monialibus ibidem deo servientibus donationem et concessionem quam Nicholaus de Karsinton filius Petri de Wivelscote eisdem monialibus dedit et concessit scilicet de duabus acris terre cum pertinentiis in campo de Karsinton quas dictus Nicholaus de me tenuit tenendas et habendas pro me et heredibus meis vel meis assignatis dictis monialibus et successoribus suis sicut carta dicti Nicholai dictis monialibus exinde confecta plenius et melius testatur libere et quiete bene et in pace et integre inperpetuum ita quod nec ego seu heredes mei vel mei assignati ratione dictarum duarum acrarum a dictis monialibus quicquam exigere possemus in homagiis et excaetis wardis releviis aut curie sectis que me vel meos heredes vel meos assignatos exinde accidere poterunt Et ut hec mea concessio et confirmatio stabilis et rata permaneat hoc scriptum sigilli mei appositione corroboravi Hiis testibus Philippo Padi Johanne de la Sale Willelmo de Sancto Audoeno Johanne le porter de Eynesham Waltero Awenel de Eynesham Ada Awenel de Eynesham Symone le Frankeleyn de Erdinton Symon le Engleys de Karsinton Symon Punchard de Karsintone et aliis