Charter Document - 05450278
| Charter Number: | 05450278 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Petri de Karsinton dedi et concessi et hac presenti carta mea confirmavi in liberam puram et perpetuam elemosinam deo et ecclesie sancti Johannis baptiste de Godestowe et monialibus ibidem deo servientibus et inperpetuum servituris tres virgatas terre in campo de Karsinton cum prato ad easdem pertinente prout sors dederit de anno in annum illam virgatam terre quam Ernaldus aliquando tenuit in villa de Karsinton cum mesuagio ad eandem virgatam terre pertinente et prato et illam virgatam terre quam Alewyus aliquando tenuit in campo de Karsinton cum prato ad eandem pertinente et illam virgatam terre quam Ingua vidua tenuit aliquando in campo de Karsinton cum mesuagio et crofto et prato ad eandem virgatam terre pertinentibus in villa de Karsinton habendum et tenendum predictas tres virgatas terre cum omnibus pertinentiis suis de me et heredibus meis vel meis assignatis dictis monialibus et earundem successoribus vel assignatis libere et quiete pacifice honorifice integre bene et in pace in viis in pratis pascuis pasturis et omnibus aliis aisiamentis ad predictas tres virgatas pertinentibus faciendo tantummodo pro predictis virgatis terre servitium forinsecum videlicet scutagium quantum fieri debet pro tribus virgatis terre secundum maius et minus cum scutagium currere contigerit per regnum Anglie pro omni servitio exactione demanda homagiis wardis releviis et curie sectis que ad me vel ad heredes meos vel meos assignatos de predictis tribus virgatis terre cum suis pertinentiis possint pertinere Et ego predictus Willelmus filius Petri de Karsinton et heredes mei vel mei assignati totam prenominatam terram cum omnibus pertinentiis suis et libertatibus predictis monialibus et earundem successoribus vel assignatis contra omnes homines warantizabimus et defendemus inperpetuum Pro hac autem donatione concessione confirmatione et warantizatione dederunt michi predicte moniales lx s in gersumma Et ut omnia predicta perpetue stabilitatis robur optineant istud presens scriptum sigilli mei impressione corroboravi Hiis testibus domino Rogero de Witham milite domino Willelmo de Seuecurd milite Willelmo Calemund de Witham Johanne de la Dounhalle de Hanebrugge Willelmo de Sancto Audoeno de Hanebrugge Philippo Pady de Karsynton Radulpho filio clerici de Eynesham Johanne portario de Eynesham Symon Punchard de Karsinton Symon Anglico de Karsinton Radulpho le Frankeleyn de Erdinton Willelmo de Erdinton et multis aliis