Charter Document - 05450277
| Charter Number: | 05450277 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1243 - 1279 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Petri de Karsinton dedi et concessi et hac presenti carta mea confirmavi deo et ecclesie sancti Johannis baptiste de Godestowe et monialibus ibidem deo servientibus et inperpetuum servituris totum ius meum quod habui vel habere potui in mesuagio cum crofto adiacente quod Nicholaus filius Petri de Wyvelcote tenuit in villa de Karsinton cum homagio warda relevio et secta curie que evenire possint de dicto Nicholao et suis heredibus vel suis assignatis inperpetuum et homagium Willelmi Edmund de Sumerford et homagium Roberti filii Petri de Wyvelcote et wardam Ricardi filii Willelmi de la Grene cum suo homagio cum ad etatem pervenerit cum omnium predictorum wardis releviis sectis curie et omnibus aliis escaetis que de predictis hominibus vel eorum heredibus vel eorum assignatis contingere possint cum v s annualis redditus de predictis hominibus solvendis dictis monialibus et earum successoribus tenendum et habendum omnia prenominata predictis monialibus et earum successoribus libere et quiete pacifice et integre pro me et heredibus meis sine aliquo retinemento in homagiis wardis releviis et sectis curie in liberam puram et perpetuam elemosinam pro anima mea et pro animabus antecessorum meorum Quietum etiam clamavi unum par calcarium vel ii d dictis monialibus et earum successoribus pro me et heredibus meis vel meis assignatis in quibus michi tenebantur pro decem solidatis annualis redditus prout continetur in carta Petri filii Willelmi filii Ricardi de Karsynton quam idem Petrus fecit Thome de Chivili Et ego predictus Willelmus et heredes mei vel mei assignati omnia prenominata prout distincta sunt predictis monialibus et earum successoribus contra omnes homines warantizabimus et defendemus inperpetuum Et ut predicta omnia perpetue stabilitatis robur optineant et inconcussa permaneant presenti scripto sigillum meum apposui Hiis testibus Johanne de Hanebrigge Willelmo de Sancto Audoeno Thoma filio Nicholai le Franceys de Sumerford Symone le Engleys Symone Punchard Roberto Punchard Radulpho Frankeleyn de Erdinton Willelmo le Frankeleyn de Erdinton et aliis