Charter Document - 05450274
| Charter Number: | 05450274 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1217 - 1223 |
| Date type: | Assigned |
| Resource Link(s): |
|
Charter:
Omnibus ad quos presens scriptum pervenerit Johannes de Venuz salutem Noveritis me pro salute anime mee et antecessorum meorum et successorum meorum concessisse et hac carta mea confirmasse deo et beate Marie et beato Johanni baptiste de Godestowe et abbatisse et eiusdem loci conventui ibidem deo servientibus unam marcatam redditus quam Willelmus avus meus de Venuz eis dedit tenendam et habendam eidem abbatisse et predicto conventui de me et heredibus meis in puram et perpetuam elemosinam percipiendo inde annuatim de Gilberto de Dene et heredibus suis ad nativitatem beati Johannis baptiste viii s et iiii d pro tenemento scilicet illo quod predictus Gilbertus de Dene de me tenebat in villa de Humbeset et percipiendo de me ipso vel heredibus meis annuatim ad festum sancti Michaelis v s in villa de Werdleham Et sciendum quod ego et heredes mei predicte abbatisse et predicto conventui predictam marcatam redditus contra omnes homines warantizare debemus Et ut hec confirmatio mea stabilis et inconcussa permaneat presenti scripto sigillum meum apposui Hiis testibus domino Ricardo Sar episcopo Matheo filio Hereberti Radulpho Harrang Waltero Foliot Jacobo de Poterna Waltero de Ripario Mauritio de Turrewill Johanne de Wikenholt tunc justiciariis domini regis per comitatum Sudlit itinerantibus Willelmo de Sancto Johanne Thoma Mauduit Willelmo de Sorewell tunc vicecomite Sudlit Rogero de Balu de Escures Ricardo de Anesy Thoma de Venuz Ada de Portesia Waltero de Rumes Johanne de Herierd clerico Radulpho Harang clerico magistro Rogero de Worthe Matheo de Brancestr clerico et multis aliis