Charter Document - 05450269
| Charter Number: | 05450269 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis tam presentibus quam futuris Willelmus de Hicford salutem Noverit universitas vestra me concessisse et presenti carta mea confirmasse pro salute mea et uxoris mee et antecessorum meorum deo et ecclesie beate Johannis baptiste de Godestowe et monialibus ibidem deo servientibus unam virgatam terre in Hicford cum omnibus pertinentiis suis illam videlicet quam Bartholomeus pater meus dedit eisdem monialibus quam quidem Henricus le Flamyng tenuit tenendam et habendam in puram et perpetuam elemosinam ita liberam et quietam ab omni seculari servitio et exactione sicut aliqua elemosina potest dari Et ego et heredes mei warentizabimus prenominatis monialibus de Godestowe predictam virgatam terre contra omnes homines Hiis testibus Roberto le Megre Radulpho Harang Roberto de Cesterton Hugone le Poure Galfrido de Eppelton Willelmo de Leuekenore Willelmo de Medineham Rogero de Bereford Henrico senescallo de Godestowe Ricardo del Parc Radulpho filio Radulphi Harang et multis aliis