Charter Document - 05450264
| Charter Number: | 05450264 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1210 - 1239 |
| Date type: | Assigned |
| Resource Link(s): |
|
Charter:
Hec est conventio facta inter abbatissam et moniales de Godestowe et Radulphum Bulluc de Hampton videlicet quod predictus Radulphus tenebit de domo de Godestowe quamdiu vixerit septem acras terre cum mesuagio et tofto et crofto et una acra prati in villa de Hampton scilicet illas quas Nicholaus quondam serviens incluse de Hampton emit de Rogero Meisi reddendo inde annuatim domui de Godestowe iiii s ad nativitatem sancti Johannis baptiste pro omnibus servitiis et consuetudinibus et demandis Pro hac autem conventione predictus Radulphus dedit domui de Godestowe xx s Et ut hec conventio quamdiu vixerit predictus Radulphus firma sit et stabilis utraque pars presens scriptum sigilli sui appositione communire curavit Hiis testibus domino Simone de Hynton Walerando Absalone Henrico Bernardo capellanis de Godest Henrico senescallo Willelmo janitore Laurentio de Bloxham et multis aliis