Charter Document - 05450260
| Charter Number: | 05450260 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1296 |
| Date type: | Internal, Feast, Regnal |
| Resource Link(s): |
|
Charter:
Die dominica in quindena pasche anno regni regis Edwardi filii regis Henrici vicesimo quarto convenit inter dominam Elenam la Suche ex parte una et abbatissam de Godestowe et eiusdem loci conventum ex parte altera videlicet quod predicta domina Elena dedit concessit et hac presenti carta sua confirmavit pro se et heredibus suis sive suis assignatis predictis abbatisse et conventui domus predicte quatuor acras et dimidiam acram et dimidiam rodam terre arabilis in campis de Hauso jacentis prope Le Hornes Cros quarum unum capud abutat versus Hornescros et aliud capud super foreram Ade le Rede quam tenet in vilenagio de predicta domina Elena in escambium quatuor acrarum et dimidie acre et dimidie rode terre iacentium in spineto de Hauso quam quidem terram prediciti abbatissa et conventus habuerunt de dono antecessorum predicte domine Elene tenendam et habendam predictam terram versus Hornes Cros cum libero ingressu et exitu predictis abbatisse et conventui et successoribus inperpetuum de predicta domina Elena et heredibus suis sive assignatis suis in puram et perpetuam elemosinam Preterea predicta domina Elena concessit pro se et heredibus suis et suis assignatis predictis abbatisse et conventui et suis successoribus pasturam ad octo boves suos carucarios proprios et ad duos affros in dominica pastura sua de Hauso in escambium pasture quam dicta abbatissa et conventus habebant in spineto de Hauso ita quod dicti octo boves et duo affri dictorum abbatisse et conventus libere incipiant intrare cum bobis domine in pasturam predictam et pascant ubicumque boves manerii de Hauso pascunt pacifice per unum mensem integre et non ulterius singulis annis inperpetuum quam cito boves et affri prefate domine Elene et heredum suorum seu assignatorum suorum communiter ingrediuntur dictam pasturam et specialiter pascuntur in eadem annuatim post pascha tenendum et habendum dictam pasturam in puram et perpetuam elemosinam in forma supradicta Et predicta domina Elena et heredes sui sive sui assignati predictam terram cum pastura predicta in forma prescripta predictis abbatisse et conventui et suis successoribus contra omnes homines warantizabunt defendant et aquietabunt Pro hac autem donatione concessione et confirmatione predicti abbatissa et conventus dederunt concesserunt et quietum clamaverunt pro se et successoribus suis inperpetuum prefate domine Elene et heredibus suis sive assignatis suis in escambium predictas quatuor acras et dimidiam acram et dimidiam rodam terre iacentes in spineto in campis de Hauso quas dicta domina Elena de novo includere fecit De qua quidem terra una seylona iacet extra fossatum dicti clausi versus spinetum de Gritteworthe una cum communa pasture quam predicti abbatissa et conventus habebant [vel] habere clamabant in predicto spineto de Hauso tenendum et habendum predictam terram cum predicta communa pasture predicte domine Elene et heredibus suis sive suis assignatis inperpetuum de capitalibus dominis feodi illius libere quiete et in pace inperpetuum Et predicti abbatisse et conventus predicte domine Elene et heredibus suis sive suis assignatis totam predictam terram cum communa pasture predicte warantizabunt aquietabunt et defendant inperpetuum In cuius rei testimonium sigilla predictorum Elene abbatisse et conventus predicti huic scripto indentato alternatim sunt appensa Hiis testibus Roberto de Romeny Radulfo de Sancto Amando Johanne de Tynhwik Rogero de Messendene Egidio de Mortone Willelmo Abbot Teobaldo de Ywenle Willelmo le Riche de Brackele et multis aliis