Charter Document - 05450249
| Charter Number: | 05450249 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1386 |
| Date type: | Internal, Regnal, Feast |
| Resource Link(s): |
|
Charter:
Hec indentura testatur quod nos Margareta Mounteneye abbatissa monasterii de Godestowe et eiusdem loci conventus tradidimus concessimus et divisimus Hugoni Cook de Wygorn burgenci Gloucestrie tenementum nostrum angulare iuxta vicum fabrorum Gloucestr ex parte una et tenementum quod Willelmus Straddell nuper de nobis tenuit et modo tenet Gilbertus Chauntrell ex parte altera habendum et tenendum eidem Hugoni heredibus et assignatis suis ad terminum sexaginta et decem annorum plenarie completorum reddendo inde annuatim nobis et successoribus nostris xii d legalis monete ad festum annunciationis beate Marie reddendo etiam et faciendo pro nobis et successoribus nostris capitalibus dominis et quibuscumque aliis omnia servitia et onera inde debita et consueta Et predictus Hugo heredes et assignati sui facient de novo unam domum competentem ibidem sumptibus suis propriis et expensis infra unum annum proxima sequentem post datam presentium et etiam postquam sic edificata fuerit sumptibus suis propriis sustentabunt durante termino predicto et in fine termini predicti in competente statu dimittent Et non licebit predicto Hugoni heredibus et assignatis suis predictum tenementum nec aliquam partem eiusdem alicui dimittere sine speciali licentia nostra predicte abbatisse et conventus et successorum nostrorum Et si contingat quod predictus redditus a retro fuerit in parte vel in toto post aliquem terminum predictum per unum mensem quod extunc bene liceat nobis predictis abbatisse et conventui et nostris successoribus in dicto tenemento distringere et districtiones retinere quousque de predicto redditu et eius arreragiis nobis fuerit plenarie satisfactum Et si contingat quod predictus redditus a retro fuerit in parte vel in toto post aliquem termini predictum per unum annum integrum vel vastum in dicto tenemento fecerint vel domum predictam ut premittitur non edificaverint infra terminum predictum seu alicui predictum tenementum vel aliquam procellam eiusdem diviserit vel dimiserint contra formam supradictam quod extunc bene liceat nobis predictis abbatisse et conventui et successoribus nostris in dicto tenemento cum suis pertinentiis reingredi et penes nos imperpetuum retinere predicta dimisione non obstante Et nos predicte abbatissa et conventus et successores nostri predictum tenementum cum suis pertinentiis predicto Hugoni heredibus et assignatis suis durante termino predicto in forma predicta contra omnes gentes warantizabimus In cuius rei testimonium tam sigillum nostrum quam sigillum predicti Hugonis hiis presentibus indentis alternatim sunt appensa Data apud Godestowe in domo nostra capitulari die martis proxima post annunciationis beate Marie anno regni regis Ricardi secundi post conquestum nono