Charter Document - 05450248
| Charter Number: | 05450248 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1288 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presens scriptum visuris vel audituris Mabilia Wafre dei gratia abbatissa de Godestowe et eiusdem loci conventus salutem in domino Noverit universitas vestra nos communi assensu et consensu dedisse concessisse et hac presenti carta nostra confirmasse Ricardo de Gardino burgensi de Glovernia viii s annui redditus in Obruggestrete Glovernie quos Johannes le Blunt burgensis Glovernye certis terminis nobis solvere consuevit habendum et tenendum dicto Ricardo de Gardino et heredibus sive assignatis suis de nobis et successoribus nostris libere quiete solute et integre inperpetuum reddendo inde annuatim ipse et heredes vel sui assignati nobis et successoribus nostris vi s sterlingorum videlicet ad festum sancti Michaelis iii s et ad festum beate Marie in Marcio iii s pro omni servitio exactione et demanda seculari Nos vero moniales de Godestowe et successores nostri predicto Ricardo de Gardino heredibus sive assignatis suis predictos viii s annui redditus contra omnes mortales warantizabimus et inperpetuum defendemus Et si predictus redditus terminis predictis solutus non fuerit liceat nobis et successoribus nostris sine aliqua contradictione vel inpedimento dicti Ricardi de Gardino vel heredorum sive assignatorum suorum per ballivos monialium quicumque fuerint distringere et namiare super totum tenementum predicti Ricardi de Gardino in villa Glovernie donec predictus redditus plenarie fuerit solutus Et ut presens scriptum perpetue stabilitatis robur optineat in modum cyrographi confectum partes huic inde illud sigillis suis corroboraverunt Hiis testibus Waltero Sevare Jacobo de Langeneye tunc ballivis Glouc Alexandro de Bykenore Petro Flor Philippo apotecario Johanne de Gardino Ricardo clerico Johanne le Sutherne Henrico le Chaungour Johanne le White Reginaldo Tyrry ad le Hatterre et aliis multis