Charter Document - 05450247
| Charter Number: | 05450247 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1248 - 1269 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presens scriptum visuris vel audituris Emma Blueht dei gratia abbatissa de Godestowe et eiusdem loci conventus salutem in domino Noverit universitas vestra nos communi assensu et consensu dedisse concessisse et hac presenti carta nostra confirmasse Johanni le Blunt burgensi de Glovernia quandam terram in Glovernia cum domibus edificiis et cum omnibus suis pertinentiis illam videlicet terram cum pertinentiis suis quam Ricardus de Celario de Glovernia nobis contulit in puram et perpetuam elemosinam Et iacet dicta terra in Ebruggestre Glovernie inter terram predicti Johannis le Blunt et terram que fuit Johannis le Ferur habendum et tenendum tatam predictam cum suis pertinentiis dicto Johanni le Blunt et heredibus suis vel suis assignatis de nobis et successoribus nostris libere et quiete solute et integre inperpetuum reddendo inde annuatim ipse et heredes sui vel sui assignati nobis et successoribus nostris viii s sterlingorum videlicet ad festum sancti Michaelis iiii s et ad festum beate Marie in Marcio iiii s pro omni servitio exactione et demanda que ad nos vel successores nostros dicta terra contingere possint Et idem Johannes et heredes sui vel sui assignati facient capitalibus dominis illius feodi totum servitium quod de dicta terra ad illos pertinet Nos vero moniales de Godestowe et successores nostri predicto Johanni le Blunt et heredibus suis vel suis assignatis totam predictam terram cum suis pertinentiis contra omnes mortales inperpetuam warantizabimus et defendemus Et si predictus redditus terminis predictis solutus non fuerit liceat nobis et successoribus nostris sine aliqua contradictione vel inpedimento dicti Johannis le Blunt vel suorum heredum vel assignatorum per ballivos monialum quicumque fuerint distringere et namiare super totum tenementum predicti Johannis le Blunt in villa Glovernie donec predictus redditus plenarie fuerit solutus Et ut presens scriptum perpetue stabilitatis robur optineat in modum cyrographi confectum partes huic inde illud sigillis suis corroboraverunt Hiis testibus domino Willelmo tunc magistro de Godest Roberto de Puteley Roberto Eli Roberto Seli tunc ballivis Glovernie Willelmo de Cheltenham Rogero Len Veyle Ricardo Franceys Willelmo de Tirwekesby Waltero de Sandon et multis aliis