Charter Document - 05450236
| Charter Number: | 05450236 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus de Ticedewelle concessi et presenti carta mea confirmavi deo et ecclesie sancte Marie et sancti Johannis baptiste de Godestowe et monialibus ibidem deo servientibus pro salute anime mee et omnium antecessorum meorum sex acras terre arabilis et tres acras prati scilicet quatuor acras terre arabilis iuxta cheminum regale versus aulam regis Gloec et duas acras terre arabilis apud Lonkeford que iacet inter terram Radulphi Avenel et terram quam Walterus Brute tenuit et duas acras prati in Walham et unam acram in Londemede quas acras omnes Walter scriptor hereditarie de me tenuit tenendas et habendas de me et de heredibus meis libere et quiete inperpetuum in puram et perpetuam elemosinam per xii d annuatim michi et heredibus meis pro omnibus servitiis et secularibus demandis persolvendis duobus terminis medietate ad annunciationem beate Marie et medietate ad festum sancte Michaelis Ego vero Ricardus et heredes mei predicte domui de Godestowe omnes predictas acras contra omnes homines warantizabimus Quod quia ratum esse volo presenti carta sigilli mei impressione munita confirmavi Hiis testibus Gaufrido Morin tunc capellano sancte Marie Willelmo diacono Ricardo Burg Waltero Pirun Thoma filio Roberti le Riche et multis aliis