Charter Document - 05450232
| Charter Number: | 05450232 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 |
| Date type: | Assigned |
| Resource Link(s): |
|
Charter:
Sciant presentes et futuri quod ego Nicholaus le Botelere concessi et hac presenti carta mea confirmavi abbatisse et conventui de Godestowe totum jus quo habui vel habere potui in terra illa quam Petrus filius Galfridi de Oxon tenuit de me in Garsyndon pro dimidia marca annuatim solvenda quam terram idem Petrus dedit domui de Godestowe habendam et tenendam de me et heredibus meis libere et quiete et pacifice cum omnibus pertinentiis suis in villa et extra sine aliquo retinemento inperpetuum reddendo annuatim michi et heredibus meis vii s ad festum sancti Michaelis pro omni servitio et consuetudine et exactione ita quod si ad predictum terminum dicta abbatissa et conventus de Godestowe in solutione dicti redditus cessaverint licebit michi vel heredibus meis prefatam terram distringere donec dictos vii s persolverint Et ego et heredes mei warantizabimus dictam terram cum omnibus pertinentiis prefate abbatisse et conventui de Godestow contra omnes homines inperpetuum Et in huius rei testimonium presenti scripto sigillum meum apposui Hiis testibus domino Simone de Hinton domino Absalone capellano Gileberto de la Hyde Matheo de Bikestrop Alano de Fernham Roberto le Bel Philippo molendinario Henrico filio Petri Roberto de Mapeldureham Gileberto de Byham et multis aliis