Charter Document - 05450230
| Charter Number: | 05450230 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1200 |
| Date type: | Assigned |
| Resource Link(s): |
|
Charter:
Sciant presentes et futuri quod ego Petrus filius Galfridi Oxon et Alicia uxor mea concessione Henrici heredes nostri caritatis intuitu et pro salute animarum patrum et matrum nostrorum et pro animarum nostrarum salute et omnium predecessorum nostrorum dedimus et concessimus et hac presenti carta nostra confirmavimus deo et ecclesie sancte Marie et sancti Johannis baptiste de Godestowe et monialibus ibidem deo servientibus in puram et perpetuam elemosinam totam illam terram quam magister Radulphus auctorista tenuit de nobis in feodo de qua tenetur reddere annuatim viii s iiii d minus ad duos terminos scilicet ad festum sancte marie in Marcio unam medietatem et ad festum sancti Michaelis aliam medietatem Et unam lapideam dominii predicte terre proximam versus aquilonen in longitudine et latitudine sicut eas unquam tenuimus tenendam et habendam bene et in pace honorifice et quiete ab omni seculari consuetudine et exactione Et ego prefatus Petrus et Alicia uxor mea et heredes mei warantizabimus predictam terram predictis monialibus contra omnes homines mares et feminas Et ut hec nostra donatio et concessio rata et inconcussa permaneat sigilli nostri appositione confirmavimus Hiis testibus domino Willelmo Walerando capellanis de Godstowe Henrico senescallo de Godestowe Galfrido aurifabro Goraldo le cordewaner Mauger le Witeter Radulpho Alegot Ricardo de Stocwelle Willelmo Bagehirst et multis aliis