Charter Document - 05450213
| Charter Number: | 05450213 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1176 - 1190 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus Clifford concessi et dedi pro salute anime mee et pro animabus uxoris mee Margarete de Clifford et filie nostre Rosamunde et ceterorum amicorum et predecessorum meorum ecclesie de Godestowe et sanctimonialibus ibidem deo servientibus molendinum de Framton cum omnibus pertinentiis et quoddam pratellum sub molendino iacens quod vocatur Lechtun in perpetuam elemosinam libere et quiete ab omni exactione salva moltura mea de domo mea propria que quieta sit michi et heredibus meis de tolneio Et salinam meam in Wichia cum omnibus pertinentiis suis predicte domui concessi et dedi in perpetuam elemosinam perpetue tenendam tam libere et quiete sicut ego unquam melius tenuit Donationem istam sicut predictum est feci consensu et assensu domini regis et heredum meorum Et ego Walterus de Clifford iunior filius et heres predicti Walteri qui hanc donationem fecit illam sicut ipse concessit et dedit sic ego concessi et inperpetuum sigillo meo confirmavi Huius donationis et confirmationis sunt testes Osbertus filius Hugonis Hugo de Sey Ricardus de Clifford Willelmus frater eius Ricardus de Karesi Willelmus Charbunel Johannes Frusselu Robertus Esrumi Ricardus capellanus meus Ricardus capellanus Osberti filii Hugonis Thomas capellanus Hugonis de Sey Thomas capellanus de Godestowe Stephanus capellanus eiusdem domus Walterus clericus Wincentius de Witham Petrus ianitor de Abend et Lucas et Gundewinus et Walterus de Sancto Egidio et Lucia filia mea et ceteri quam plures