Charter Document - 05450209

Donyngton [] ad visum franci plegii tentum die martis in festo apostolorum Philippi et Jacobi anno regni regis Edwardi sexto Willelmus Edrich decennus et socii sui iurati presentant quod quedam canteria que solebat fieri in capella de Ford per tres dies in qualibus septimana anni subtracta est per dominum Robertum vicarium qui nunc est et quod a tempore fundationis dicte capelle dicta canteria facta fuit per rectores ecclesie de Donyngton qui habuerunt de domino qui fuit tunc temporis unam virgatam terre in Forda in auxilium ad dictam capellam sustinendam et dictam canteriam faciendam Et dicunt precise quod postquam ecclesia de Donyngton data extitit domui de Godestowe dicta canteria semper extitit facta per quoscumque vicarios suos usque adventum cuiusdam Alani qui ibidem fuit vicarius per magistrum Robertum de Kenellworthe qui malitione et fraudulente ad exhereditationem domini dictam canteriam subtraxit Et quia abbatissa de Godestowe que dictam virgatam terre tenet vicarium suum non iustificat ad dictam canteriam faciendam idoneum [] Et quia dominus Robertus qui nunc est vicarius nuper in plena curia cognovit dictam canteriam facere et quia iam per biennium non fecit nec adhuc facit set eam in preiudicio domini retraxit idon []