Charter Document - 05450205
| Charter Number: | 05450205 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Enfeoffment |
| Date: | 1280 - 1290 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo Aldred de Forda dedi et concessi et hac presenti carta mea confirmavi Willelmo de Heleia pro homagio et servitio suo duas acras et dimidia terre mee arabilis cum omnibus pertinentiis suis jacentes infra metas ville de Duningtune unde una dimidia acra jacet ex parte occidentis gardini curie de Duningtune inter terram Willelmi le Hyrk ex parte australi et terram Walteri de Bissopestune ex parte aquilonari et extendit se versus occidentem in foreram Walteri Cniht et versus orientem in la Grene Diche ex parte occidentis predicti gardini Et una acra jacet supra Gosheye ex parte occidentis inter terram Roberti le Blake ex parte australi et terram que fuit Galfridi Burgeis ex parte aquilonari et extendit se in viam regiam versus orientem et dimidia acra eiusdem acre scilicet australior extendit se in foreram Edithe Blakestan et alia dimidia acra scilicet aquilonarior extendit se in foreram Willelmi le Paumer Et una dimidia acra se extendit in longitudine super montem a campo de Hedenham usque ad terram quam Ricardi Albod tenuit versus orientem et jacet in latitudine inter terram quam Reginaldus Cniht tenuit et terram quam Thomas filius Godewyni tenuit Et una dimidia acra se extendit in longitudine a terra quam Robertus Dunstan tenuit usque ad viam que ducit apud Hedenham et iacet in latitudine inter tenementum quod Willelmus le Hyrk tenuit et terram arabilem predicti Willelmi le Hyrk tenendum et habendum de me et heredibus meis predicto Willelmo de Heyleia et heredibus suis vel cuicumque et quandocumque dare legare vendere vel assignare voluerit jure hereditario libere quiete pacifice integre inperpetuum reddendo inde annuatim michi et heredibus meis predictus Willelmus de Heyleia et heredes sui vel eorum assignati v d argenti ad quatuor terminos anni scilicet ad festum sancti Michaelis i d et quaterentem et ad festum sancti Martini i d et quaterentem et ad natale domini i d et quaterentem et ad pascha floridum i d et quaterentem pro omnibus servitiis consuetudinibus et demandis Pro hac siquidem donationem et concessione predictus Willelmus de Heyleia dedit michi xl s argenti in gersumam Et ego predictus Hugo Aldred et heredes mei warantizabimus acquietabimus et defendemus predictas duas acras et dimidiam terre arabilis cum omnibus pertinentiis suis prefato Willelmo de Heyleia et heredibus suis vel eorum assignatis contra omnes viventes per predictum servitium inperpetuum In cuius rei testimonium presenti scripto sigillum meum apposui Hiis testibus Galfrido de Upton Alexandro fratre suo Willelmo de Upton Baldewino de Ulneswyka Jacobo de Ulneswyka Roberto Pikot Willelmo de la Buri Waltero carectario de Wyka Willelmo Oeyu de Wyka et multis aliis