Charter Document - 05450200
| Charter Number: | 05450200 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1314 |
| Date type: | Internal, Feast, Regnal |
| Resource Link(s): |
|
Charter:
Universis pateat per presentes quod ego Willelmus de la Hyde de Fencote reddidi et concessi domine Matilde de Upton abbatisse de Godestowe et eiusdem loci conventui totam terram cum tenementis croftis hays et fossatis quam quondam habui ex dimissione Alicie de Gorges abbatisse de Godestowe et eiusdem loci conventus ita quod nec ego nec aliquis nomine meo aliquid iuris vel clamii de cetero in tenementis predictis vendicare poterimus In cuius rei testimonium presentibus sigillum meum est appensum Data apud Godestowe in festum sancti Johannis baptiste anno regni regis Edwardi filii regis Edwardi septimo